कम्तिमा ६ महिना अगावै पञ्चाङ्ग (पात्रो) प्रकाशन गर्न दबाव दिदै ज्ञापनपत्र

Details

January 06, 2019

Written by Super User

काठमाडौं । नेपाल ज्योतिष परिषद, विश्व ज्योतिष महासंघ, राष्ट्रिय समिति लगायत ७ वटा संस्थाले पञ्चाङ्ग निर्णायक समितिलाई नयाँ बर्ष सुरु हुनु भन्दा कम्तिमा ६ महिना अगावै पञ्चाङ्ग (पात्रो) प्रकाशन गर्न दबाव दिदै ज्ञापनपत्र बुझाएका छन् ।

७ वटा संस्थाका प्रतिनिधिले पञ्चाङ्गकार्हरु ज्योतिषी डा लोकराज पौडेल, ज्योतिषी पण्डित सूर्य प्रसाद ढुंगेल, ज्यो पद्मनाथ त्रिपाठी, सूर्यनाथ पन्थलगायतको रोहवरमा ज्ञापनपत्र बुझाइएका हुन् ।

समयमै पञ्चाङ्ग समितिले पात्रो ननिकाल्दा त्यससँग सम्बन्धित लाभग्राहीहरुमा योजना तर्जुमा गर्न समस्या पर्ने बताउँदै उनीहरुले सम्बत सुरु हुनुभन्दा कम्तिमा ६ महिना अघिनै पञ्चाङ्ग प्रकाशन गर्न सक्नुपर्नेमा जोड दिएका छ। 

 मागहरु

१.नववर्ष प्रारम्भ हुनुभन्दा कम्तिमा ७ महिना पहिले नै चाडपर्व र विवाह ब्रतबन्ध आदिको निर्णय गराई ढिलोमा घटस्थापनाका दिन भित्र पञ्चाङ्ग पात्रो बजारमा ल्याउने व्यवस्था गर्नुपर्ने ।

२. नववर्ष प्रारम्भ हुनुभन्दा ६ महिना अगाडि यदि पञ्चाङ्गकारहरुले पञ्चाङ्ग पात्रो प्रकाशन गर्न नसक्ने भएमा चाडपर्व र विवाह, ब्रतबन्ध आदिको ६ महिना अगाडि निर्णायक समितिले निर्णय गरी प्रेस विज्ञप्ती मार्पmत सार्वजनिक गरिदिने व्यवस्था गर्ने ।

३.२०७६ सालको पञ्चाङ्ग ढिलोमा माघ १५ भित्र प्रकाशनको व्यवस्था गर्ने र २०७७ सालको पञ्चाङ्ग २०७६ सालको घटस्थापना भित्र प्रकाशनको व्यवस्था गर्नुपर्ने ।

४. पञ्चाङ्गमा घटस्थापन,विजयादशीको टीका र भाई टीका लगायतको महत्व पूर्ण साईत पञ्चाङ्गमै २०७६ सालबाट लेख्ने व्यवस्था गर्ने ।

५. पञ्चाङ्ग निर्णय गर्दा ज्योतिषीय सस्थाका  सस्थागत प्रतिनिधिहरुलाई समेत अमन्त्रण गर्ने व्यवस्था गर्ने ।

ज्ञापनपत्र बुझाउने संस्थाहरु

१.नेपाल ज्योतिष परिषद् 

२.विश्व ज्योतिष महासंघ, राष्ट्रिय समिति

३.दक्षिण एशियाली ज्योतिष महासंघ, राष्ट्रिय समिति

४.ज्योतिष तथा हस्त परीक्षक समाज

५.आचार्यकूलम्

६.तन्त्र विज्ञान, नेपाल

७.राष्ट्रिय महिला ज्योतिष संघ

• Next >